Mr. Darwin. Museos Científicos Coruñeses

Na Casa das Ciencias da Coruña houbo unha interesante exposición no 2009 para celebrar o 150 aniversario da publicación d' A orixe das especies. Agora temos unha exposición virtual en   O asombro de Mr. Darwin. 

Día da Ciencia en Galego (Videoconferencia)

Acceder

Día da Ciencia en Galego (Cafés-Teatro Científicos)

Álbum de Casto Rivadulla

A ciencia, como cada ano por estas datas, esténdese cara a onde normalmente nunca chega, a non ser a través de propostas específicas de cada quen. Un exemplo ben claro desta divulgación con estensións é a iniciativa do grupo de investigación Neurocom da Universidade da Coruña para levar a ciencia a diversos establecementos hostaleiros do noso país. As novas achegas dos Café Teatro Científicos, así se fan chamar, desenvolveranse ao longo dos vindeiros días en  Santiago baixo o epígrafe xenérico Que pasaría se xuntasemos nun bar a... A idea da proposta, que vén da man de Xurxo Mariño e Casto Rivadulla (Neurocom), é achegar dúas disciplinas en principio tan afastadas como a artística e a científica, e todo a través da participación nestes encontros de actores e físicos, neurofisiólogos, matemáticos, biólogos ou ecólogos.
Fontes da información:
Código Cero
Radiofusión

Relacionado Discurshow

Concurso de relatos científicos, A ciencia que conta

 Mañá,  30 de outubro,  remata o prazo.

imaxe

Por terceiro ano, os profesores do proxecto A ciencia que conta, da Universidade de Vigo, celebran o certame de contos do mesmo nome para promover dúas cousas ben complementarias: o espírito investigador entre a nosa mocidade e o emprego do galego acompañando ese espírito investigador. Trátase do Concurso de Relatos Ciencia que Conta, convocatoria literario-científica que xorde ao abeiro dun terceiro obxectivo a engadir aos devanditos: contribuír a concienciar ao conxunto da sociedade galega sobre a importancia da investigación no noso desenvolvemento económico e na procura dun meirande benestar social.
Segundo apuntan os organizadores, para participar no concurso é preciso achegar unha peza literaria breve que poña en valor a importancia da ciencia, ben nun eido xenérico ou a través de exemplos específicos. O certame diríxese á comunidade escolar do noso país, tanto o alumnado como o profesorado, e non só a ligada ás ciencias.
A intención é achegar o espírito de desenvolvemento tecnolóxico a outros ámbitos non habituais. O prazo para o envío dos traballos remata este 30 de outubro. Segundo indica a organización, o premio para o relato máis salientable dos presentados en cada categoría consistirá nun ordenador ultraportátil.

Fonte. Código Cero

Ciencia e cinema na Coruña

A celebración do Día da Ciencia en Galego, o día 4 de novembro,  vén cadrando entre a Mostra de Ciencia e Cinema e a Semana da Ciencia que se celebra en novembro. A Mostra Organizada pola Asociación de Amigos da Casa das Ciencias (AAAC) proxecta 17 películas chegadas de todo o mundo dentro da sección oficial, todas elas coa ciencia como nexo en común.
Xornal.com
Código Cero

A ciencia no punto de mira

A ciencia no punto de mira

O Día da Ciencia en Galego, que se celebra o día 4 de novembro, contará cunha obra divulgativa máis

Jorge Mira, doutor en Física e profesor da Universidade de Santiago, é un dos divulgadores científicos máis populares en Galicia. Coñecido pola súa colaboración no popular programa Cifras e Letras e por traer a Santiago algúns dos premios Nobel máis significativos, o seu último reto é amosar que as pesquisas científicas poden ser divertidas. A ciencia no punto de mira (Auga Editora, 2010) é o seu primeiro libro

ler +
na web do centro

Para seguir lendo... ciencia (III)

ADN (Apuntamentos do natural).
As colaboracións de Xurxo Mariño Alfonso en culturagalega.org

Para seguir lendo... ciencia (II)

Po de estrelas
(novas receitas científicas)
de Xurxo Mariño

Descarga a segunda recompilación de artigos de Xurxo Mariño, agora ilustrados por Santy Gutiérrez, con infografía de Manuela Mariño e publicados en formato libro pola Sección de Ciencia, Técnica e Sociedade do Consello da Cultura Galega

Descarga

Para seguir lendo... ciencia(I)

Título: Os dados do reloxeiro (ciencia amena para mentes inquietas)
Escritor/a:
Xurxo Mariño Alfonso
Ilustrador:
O Carrabouxo
Ed. Consello da Cultura Galega,
Ano: 2005
Xénero: Ensaio e Investigación
Coleccion: Sección de Ciencia, Técnica e Sociedade
Pax: 160

unha obra que podes ler na rede                                                                                                                                                                                                               

acceso á descarga