Empezou a moverse pola rede unha revista de humor
que se presenta así
ACERCA NOSA
En Galicia temos
campo, bosque, monte, carballos, verde por todos lados, rías, illas…
temos ríos, fontes e regatos pequenos, as mellores praias, como non, e
sol, vento, orballo, chuvia e mais choiva… as mellores vacas tamén,
ademais de lebres, coellos e algún que outro xabarín. Temos empanada,
marisco, polbo, patacas, grelos, chourizo e chourizos. Boa literatura,
moita música, pandeiretas, gaitas, festas e festas e festas.
Hai carpinteiros, greleiras, percebeiros, canteiros… destinos
turísticos, peregrinación, bens de interese cultural, patrimonio da
humanidade, cruceiros, hórreos, etc, etc. pero sobretodo, temos enchufismo… e humor, moito humor.
Non precisamos pois de familiares que
nos faciliten un posto no Concello ou na Deputación para vivir ben,
porque en Galicia temos de todo. Deámonos conta do ben que vivimos,
gocemos da nosa forma de vida ¡VIVAMOS COMO ENCHUFADOS!
